ИДЬМ Госавтоинспекциятын Саха сиринээҕи управлениета суоппардарга уонна сатыы сылдьар дьоҥҥо регион суолларыгар халтараан, инчэҕэй хаар кутталын санатар. Күн-дьыл усулуобуйата мөлтөөбүтүнэн сибээстээн, биэдэмистибэ суол сырыытын бары кыттыылаахтарын муҥутуур сэрэхтээх буоларга ыҥырар.
Халтараан улахан кутталы үөскэтэр, тоҕо диэтэххэ, тырааныспары салайыыны сүтэриэн, күбүөккэ тахсыыны, бырахтарыыны таһаарыан сөп.
Халтараан кэмигэр суоппардарга сүрүн сүбэлэр:
Аа-дьуо айаннаа: эмискэ тохтууртан, эргийэртэн, түргэни эбииттэн куотуохха.
Түргэни намтатыы уонна тэйиччи сылдьыы: куттала суох түргэннинэн айаннаа, атын массыынаттан тэйиччи тутун.
Улахан болҕомто: халтараан суолга кыра да алҕас суол саахалын үөскэтиэн сөбүн учуоттаа.
Сатыы сылдьааччыларга сүбэ:
Суолу олохтоммут сирдэргэ эрэ туораа, куттал суоҕун итэҕэйэн баран хаамыыгын саҕалаа.
Күн хараҥарар кэмигэр таҥаска сырдыгынан тыгар элеменнэри туһаныахха наада.
Кыһыҥҥы суолга куттала суох буолуу суол бары кыттыылаахтарын уопсай эппиэтинэстэрэ буолар, олоҕу-дьаһаҕы, доруобуйаны харыстыыр туһугар сэрэхтээх буоларга ыҥырар.
