Чугастааҕы күннэргэ Саха сирин үксүгэр кыралаан ардахтыаҕа, сорох сиринэн инчэҕэй хаар түһэрэ күүтүллэр. Саха сиринээҕи УГМС иһитиннэрэринэн, чэппиэргэ быстах ардахтаах инчэҕэй хаар өрөспүүбүлүкэ соҕуруу, арҕаа, хотугулуу- арҕаа уонна Өлүөнэ аллараа тардыытыгар, ону тэҥэ илин өттүгэр түһүөҕэ.
Киин оройуоннарга салгын температурата +1…+ 6 °С, күнүһүн … +13 °С туруоҕа. Соҕуруу оройуоннарга +15 °С тиийэ сылыйыаҕа, хотугулуу-арҕаа уонна хотугулуу-илин эҥэр күнүскү температура +2…+7 ° С буолуоҕа.
Дьокуускайга балаҕан ыйын 14 күнүгэр кыра ардах түһүөҕэ. Түүнүн 0… +2 °С, күнүһүн +9 +11 °С кыраадыска тиийэ сылыйарын сылыктыыллар.
Балаҕан ыйын 15 күнүгэр, бээтинсэҕэ, хотугулуу-арҕаа, арҕаа, аллараа Өлүөнэ, киин, соҕуруу, хотугулуу-илин өттүгэр эмиэ инчэҕэй хаардаах ардах күүтүллэр.
