2025 сыл түмүгүнэн Саха сирин экономикатыгар 723 млрд солк. инвестиция тардылынна. Бу туһунан өрөспүүбүлүкэ баһылыга Айсен Николаев Уһук Илин регионнарын социальнай-экономическай сайдыыларыгар боппуруостарынан мунньах кэмигэр иһитиннэрдэ. Уһук Илин субъектарын баһылыктара РФ бырабыыталыстыбатын бэрэссэдээтэлин солбуйааччы – РФ президенин Уһук Илиҥҥэ боломуочуйалаах бэрэстэбиитэлэ Юрий Трутневка былырыыҥҥы үлэ түмүктэрин уонна 2026-с сылга тутаах соруктар тустарынан иһитиннэрдилэр.
Саха сирэ Уһук Илиҥҥэ валовай региональнай бородууксуйаҕа, бырамыысыланнас оҥорон таһаарыытыгар уонна бюджет бэйэтин дохуотун кээмэйинэн инники күөҥҥэ сылдьар.
«ВРП 2025 сылга 2,6 трлн солкуобайы куоһарда, инвестиция 700 млрд солк.тахса буолла, оттон чох уонна көмүс хостооһуна историческай максимумҥа тиийдэ. Өрөспүүбүлүкэҕэ үчүгэй демографическай динамика тутуһуллар, оттон социальнай эйгэҕэ уларыйыылар күннээҕи олоххо дьоҥҥо биллэр буоллулар. Бу көрдөрүүлэр, аан дойдуга уустуктар тирээн турар кэмнэригэр, улахан суолталаах», — диэн Айсен Николаев түмүктээтэ.
Саха сирэ инвесткилиимэт туругун Национальнай рейтинигэр «Регуляторнай эйгэ» хайысхаҕа бастыҥ биэс регион иһигэр киирэр.
Юрий Трутнев сүрүн капиталга инвестициялар Уһук Илин территорияларын сайыннарыыга сүрүн инструменынан хаалалларын тоһоҕолоон бэлиэтээтэ. Сиһилии манна ааҕыҥ.
