Саха сирэ «Уһук Илиннээҕи федеральнай уокурукка табыгастаах куортам дьиэтэ» бырагыраамаҕа кыттар. Онно чэпчэтиилээх кыбартыыраларга 35-гэр диэри саастаах, куортамҥа былааннанар нэһилиэнньэлээх пууҥҥа олорор дьиэтэ суох эдэр дьон киирсиэхтэрин сөп. Бу туһунан регион бырабыыталыстыбатын түмүк отчуотун кэмигэр Саха сирин бырабыыталыстыбатын бэрэстээтэлин бастакы солбуйааччы Дмитрий Садовников иһитиннэрдэ, диэн ЯСИА суруйда.
«Бырагыраама Россия президенэ Владимир Путин өйөбүлүнэн уонна көҕүлээһининэн үлэлиир. Кини көмөтүнэн чэпчэтиилээх дьиэни 5 тыһыынча солкуобайтан устуохха сөп, бу эдэр исписэлиистэргэ олус үчүгэй көмө», — диэтэ.
Куортам болдьоҕо үс сыл буолар, дуогабары кэлин уһатыы кыаллар. Сайаапка туттарыллар кэмигэр баар үлэҕэ киириини бигэргэтиэххэ наада. Ол эбэтэр киһи ол сиргэ үлэлиэхтээх. Итини таһынан кыбартыыраны бас билиигэ ылбатаҕын бигэргэтэр эбээһинэстээх.
Санатан эттэххэ, Дьокуускайга, Алдаҥҥа уонна Мииринэйгэ 2026 сыл бүтүөр диэри «Уһук Илиннээҕи федеральнай уокурукка табыгастаах куортам дьиэтэ» бырагыраама быһыытынан 1003 кыбартыыра киллэриллиэҕэ.
