23 сааһыгар диэри эдэрдэргэ Уһук Илин күрэхтэһиитигэр Саха сирин хамаандата бэйэтин киирсиитин ситиһиилээхтик түмүктээтэ. Хамаанда икки кыһыл көмүһү, үс үрүҥ көмүһү ылла. Бу туһунан өрөспүүбүлүкэ сүүмэрдэммит хамаандалар спортивнай бэлэмнэниилэрин киинигэр иһитиннэрдилэр, диэн суруйда ЯСИА.
Кыайыылааҕынан 48 киилэҕэ диэри Виктория Матаркина таҕыста. Киирсии биэс кыттааччы икки ардыгар төгүрүк систиэмэнэн ыытылынна. Саха сирин сүүмэрдэммит хамаандатын дзюдоиһа хас көрсүһүү аайы кыайыылары ылан, кыһыл көмүс мэтээли кэттэ. Эмиэ итинник наҕараадаҕа Диана Вихарева (52 кг диэри) тигистэ. Кини эмиэ бэйэтин ахсааныгар түөрт кыайыыны сурунна. Иккиэн Россия юниордарыгар күрэхтэһиигэ талылынна.
Хамаандаҕа боруонса мэтээллэри Алиса Анисимова (63 кг), Рашид Измайлов (73 кг) уонна Магомед Измайлов (81 кг) аҕаллылар.
Күрэхтэһии кулун тутар 3 күнүгэр Хабаровскайга буолан ааста. 11 региональнай хамаандаттан 70-тан тахса кыттааччы кытынна.
Санатан эттэххэ, саха сүүмэрдэммит хамаандата кулун тутар 3-5 күннэригэр 18 сааһыгар диэри уолаттарга уонна кыргыттарга Россия күрэхтэһиитигэр кыттар.
This post was published on 04.03.2026 15:09 15:09