Саха сирин хамаандата икки кыһыл көмүс, үстүү үрүҥ көмүс уонна боруонса мэтээллэри эдэрдэргэ Уһук Илиҥҥэ бастыыр иһин дзюдоҕа күрэтэһиигэ ыллылар. Күрэхтэһии 21 саастарыгар диэри спортсменнарга анаан Владивостокка ыытылынна. Ол туһунан сүүмэрдэммит хамаандалары бэлэмниир киин иһитиннэрдэ.
Финалга кыргыттарга 48 кг диэри ыйааһыҥҥа Саха сирин хамаандатын икки спортсменката көрүстэ. Виктория Матаркина кыайда, Диана Вихарева үрүҥ көмүс ылла. Эрдэ киирсиилэргэ кинилэр Приморскай, Хабаровскай кыраайдар уонна Бурятия кыргыттарын тулуталаабатылар.
Өссө биир кыһыл көмүһү Милена Егорова 78 кг үөһэ аҕалла. Үрүҥ көмүһү Алиса Анисимова (63 кг). Бөлөҕүнэн түһүмэххэ кини икки кыайыылаах, ити эрээри финалга Хабаровскай спортсменкатыттан хоттордо.
Уолаттарга иккис миэстэни Назир Картоев (73 кг). Быһаарыылаах киирсиигэ Хабаровскай спортсменыгар баһыйтарда.
Боруонсаны Анастасия Попова (57 кг), Никита Кулиев (60 кг) уонна Кирилл Семиженко (73 кг) иилиннилэр.
This post was published on 13.10.2025 10:24 10:24