Саха сирин дьыссааттарыгар уонна оскуолаларыгар өрөспүүбүлүкэ судаарыстыбаннай тылынан бэчээттэммит үөрэх-методическай таһаарыылары туттардылар. Быйыл төрөөбүт тылга уонна литератураҕа учебник оҥоруутугар 42 мөл солк «Саха Өрөспүүбүлүкэтигэр судаарыстыбаннай уонна официальнай тыллары харыстааһын уона сайыннарыы 2020-2024 сылларга» бырагырааманан көрүллүбүтэ.
Үөрэх-методическай уонна художественнай таһаарыыга саха тылынан уонна хотугу аҕыйах ахсааннаах төрүт омуктар тылларынан (эбээн, эбэҥки, чукотскай, долган уонна дьүкээгир) набордар киирдилэр. Маны сэргэ нууччалыы уонна английскай тылларынан суруллубут кинигэлэр бааллар.
Дьыссаат оҕолоругар үөрэтэр хартыынкалар, интерактивнай таһаарыылар уонна хартыынанан кинигэлэр бааллар. Төрүт тыл уонна култуура учебниктарынан 1 — 11 кылаастар хааччыллаллар. Комплекка өссө педагогтарга анаммыт дидактическай матырыйааллар уона справочниктар киирдилэр.
Бастакынан комплектары ыллылар:
- Амматааҕы В.Г. Короленко аатынан 1 нүөмэрдээх оскуола, Амма с., дириэктэр Николай Илларионов
- Нерюнгри к., «Арктика» экспериментальнай оскуола-интернат, дириэктэр Мария Руфова
- Дьокуускайдааҕы Е. Ю. Келле-Пелле аатынан 26 нүөмэрдээх оскуола, дириэктэр Айаан Васильев
- «Радуга» дьыссаат, Бэс Күөлэ, Горнай улууһа, сэбиэдиссэй Диана Федорова
- «Сказка» 2 нүөмэрдээх дьыссаат, Покровскай к., Хаҥалас улууһа, сэбиэдиссэй Наталья Дьяконова
Хаартыска: Денис Попов
This post was published on 20.12.2021 18:02 18:02