2025 сыллаахха Саха сирин дьарыктаах буолуу кииннэрэ экономика тутаах салааларыгар 5 тыһыынчаттан тахса киһини үлэҕэ киллэрдилэр.
Саха сирин баһылыгын дьадайыыны утары охсуһуу туһунан ыйаах чэрчитинэн «Үлэлиир Саха сирэ» бырайыактар олоххо киирэллэр, манна үөрэнии, стажировка уонна үлэҕэ киирии хайысхалара хабыллаллар. «Работающая Якутия. Кадры» бырайыак 2024 сыл бүтүүтүгэр үлэҕэ киирбитэ итиэннэ 90 үлэни биэрээччини уонна биэдэмистибэлэри кытта бииргэ үлэлэһэр. 2028 сылга бу ахсааны 200-кэ тириэрдэр былааннаах.
Сылга 44 тыһыынча вакансия киирдэ, сүрүннээн оробуочай идэлэр, орто хамнастара 80,1 тыһыынча солкуобай, ити сыл саҕаланыытыгар холоотоххо 10,2 тыһыынча солкуобайынан элбэх.
2025 сыллаахха бүтүн Арассыыйатааҕы үлэ дьаарбаҥкалара ыытыллыбыттара, 768 үлэни биэрээччи кыттыбыта уонна 12 тыһыынча вакансияны биэрбиттэрэ. Үлэҕэ ылыы туһунан этиилэри 1203 киһи ылла.
Дьокуускайга 4 тыһыынча киһини, 80-ча үлэ биэрээччини хомуйбут «Работай в Якутии» ыччат бэстибээлэ буолла. 140 эдэр исписэлиис үлэҕэ ыҥырыы тутта.
Инникигэ тутуллар биир салаанан СВО кыттыылаахтарын уонна кинилэр дьиэ кэргэттэрин үлэҕэ киллэрии буолар. 2025 сыллаахха анал байыаннай дьайыы 121 кыттааччыта үлэҕэ киирдэ, 12 бэйэтин дьыалатын арыйда. Өрөспүүбүлүкэ тэрилтэлэригэр бу категориялаах гражданнарга анаан 914 үлэ миэстэтигэр квота олохтоммут, ол толоруллубут. Квотаны 5 тыһыынча миэстэҕэ диэри улаатыннарыы туһунан сокуон ылылынна уонна үлэ биэрээччилэргэ субсидия көрүлүннэ.
This post was published on 16.01.2026 16:07 16:07