«Хас да рейсы оҥоробут, баах чаастарын барытын таһыахтаахпыт», — диэтэ Павел Алексеев, сулууспа Аэромобильнай этэрээтин начаалынньыгын солбуйааччыта. Чуолаан, кини бу дьаһалы тэрийэн ыытар.
Бүгүн биэс быыһааччы атын фрагмент булуллуутунан айаҥҥа турунар. Онно анаан бөртөлүөт былаһаакката оҥоһуллар, десанныыллар, салгыы тобоҕу түспүт сириттэн ыраастыыллар. Үлэ хас да күн буолара былааннанар.
Быһаардахха, эвакуация иннинэ эколог исписэлиистэр радиацияны кэмнээтилэр, ууттан, сир кырыһыттан боруобалары ыллылар. Тулалыыр эйгэҕэ уонна нэһилиэнньэҕэ куттал суох буолуутун быһаарыахтара.
