Саха сирин судаарыстыбаннай бюджетын 2026 сыллаахха доруобуйа харыстабылыгар ороскуота улаатыа. Доруобуйаны харыстааһыны кытта сибээстээх дьаһалларга барыта 33 млрд солк.тахса солкуобайы ыытар былааннаахтар. Саамай улахан улаатыы босхо эмп-томп уонна санитарнай авиацияны хааччыйыыга таарыйыаҕа.
2026 сылга сүрүн уларыйыылар 2026 сылга сорох категориялаах гражданнары босхо эминэн-томунан хааччыйыы ороскуотугар таарыллыахтара. Сокуон барылын быһыытынан, бу сыалга 3 млрд 830 мөл. солк. ыытыллыаҕа, ол 2025 сылга бигэргэтиллибит былаантан 1,1 млрд солк.элбэх.
Ону тэҥэ «Суһал медицина көмөтүн тупсарыы» бырайыакка үбүлээһин үрдээһинэ былааннаммыт. Бу хайысханан ороскуокка 1,4 млрд солк. эбии көрүллэрэ сабаҕаланар. Итинтэн санитарнай авиация өҥөтүгэр ороскуота 1 млрд 291 мөл.солк. тэҥнэһиэҕэ.
40 мөл. солкуобайтан 272 мөл. солк. диэри «Саха сирин оҕолорун доруобуйата» бырайыак чэрчитинэн ороскуота улаатыаҕа. Бу үп-харчы дьахталлар уонна оҕолор доруобуйаларын харыстааһыҥҥа, ол иһигэр ийэлэргэ уонна саҥа төрөөбүттэргэ аналлаах набордары атыылаһыыга, оҕо прививкатын уонна аһылыгын регионнааҕы халандаарын хааччыйыыга ыытыллыаҕа.
This post was published on 15.10.2025 17:13 17:13