Бүлүү киин балыыһатын быраастара кыысчааҥҥа экстреннай көмө оҥороллор уонна лучевой диагностиканан төбөтүн уҥуоҕугар элбэх тостуу баарын быһаараллар, мэйиитигэр эчэйиилээҕэ биллэр. Оҕоҕо суһаллык эппэрээссийэ наадата этиллэр, Эдьигээнтэн катастрофа медицинатын медиктара кэлэллэр: нейрохирург, анестезиолог-реаниматолог уонна фельдшер.
Нейрохирургическай эппэрээссийэни кыыска уопуттаах нейрохирург Семен Сивцев оҥорор.
Эппэрээссийэ кэнниттэн, оҕо туруга бэттэх кэлбитин кэннэ, санитарнай рейсынан Дьокуускайга М.Е. Николаев аатынан медицина киинин педиатрия киинигэр аҕалаллар. Оҕону көтөрүгэр анестезиолог-реаниматолог уонна фельдшер арыаллыыллар.
Министиэристибэҕэ эппиттэринэн, катастрофа медицинатын быраастарын үлэлэрэ улахан ноҕуруускалаах уонна экстреннай оруоллаах. Эдьигээҥҥэ медиктар экстреннай эппэрээссийэни ыараханнык эчэйбит киһиэхэ оҥордулар, салгыы Бүлүүгэ кырачааны быыһаатылар, ол кэннэ тута Дьокуускайынан эргийэн нейрохирург Семен Сивцев Майаҕа ыарахан эппэрээссийэ оҥоро көттө.
