2024 сыл кулун тутарыттан Саха сирин быраастарын бөлөҕө Донецкай Народнай Өрөспүүбүлүкэ Докучаевскай куоратыгар үлэлиир. Бу куоракка кинилэр тыһыынчаттан тахса эппэрээссийэ оҥордулар, ол иһигэр 405 офтальмологическай уонна 600-тэн тахса хирургическай уонна травматологическай.
Медиктар бааһырбыттарга көмө оҥороллор, экстреннай консультация ыыталлар, олохтоох кэллиэгэлэрин үөрэтэллэр.
Быраастар экстреннай пациеннары консультациялыыллар приёмнай отделенияларга, хирургическай отделенияларга пациеннары курируйдууллар, онно аҥардара — анал байыаннай дьайыы кыттыылаахтара.
«Саха сирин быраастара Докучаевскай уокурук нэһилиэнньэтигэр практическай көмөнү оҥороллорун таһынан, куорат киин балыыһатын исписэлиистэригэр уопуттарын үллэстэллэр», — диэтэ доруобуйа харыстабылын министиэристибэтин медицина көмөтүн тэрийиигэ департамент кылаабынай исписэлииһэ Анастасия Эверстова.
Кини эппитинэн, билигин Докучаевскайга быраас-хирург уонна быраас-травматолог Саха сириттэн үлэлииллэр. 10 байыаннай сулууспалаах көмө ылар, олортон иккитэ — сахалар.
This post was published on 07.04.2025 17:01 17:01