Өрөспүүбүлүкэтээҕи №2 балыыһа — Экстреннай медицина киинин кылаабынай бырааһыгар Иван Ивановка Донецкай Народнай Өрөспүүбүлүкэ олохтоохторугар көмөтүн иһин, Россия саҥа субъегын бырабыыталыстыбатын бэрэссэдээтэлэ Виталий Хоценко бочуотунай грамотатын туттардылар.
Ол туһунан СИА-ҕа тэрилтэ пресс-сулууспата иһитиннэрдэ.
Бочуотунай грамота быраас үрдүк профессионализмыгар уонна үтүө дьыалаҕа үлэтигэр бэрилиннэ. «Дьон боростуойа суох усулуобуйалаах олоххо-дьаһахха олороллорунан, медицина көмөтүгэр наадыйар. Биһиги ону өйдүүбүт. Ол иһин Кировское куоракка быраастар кэлэн көрөллөрө буоллар диэн баҕа санааларын эппиттэригэр, бастыҥ исписэлиистэри түмэн, биригээдэ тэриллибитэ», — диэтэ Иван Иванов.
ДНР-га биригээдэҕэ үлэлээтилэр: врач-кардиолог Филипп Харлампьев уонна УЗИ бырааһа Николай Стручков.
