Айсен Николаев санкциялар усулуобуйаларыгар култуура уонна сынньалаҥ тэрилтэлэрин, киинэни оҥорон таһаарааччылары өйүүр миэрэлэри тэрийэр мунньаҕы ыытта. Билигин Саха сирин култууратын салааларыгар үлэ миэстэтин оннунан хаалларар сорук турар. Бу туһунан республика култуураҕа уонна духуобунай сайдыыга миниистирэ Юрий Куприянов иһитиннэрдэ, диэн СИА кэпсиир.
Бүгүн Саха сирин баһылыга Айсен Николаев санкция усулуобуйатыгар култуура уонна сынньалаҥ тэрилтэлэрин, киинэни оҥорон таһаарааччылары өйүүр миэрэлэри тэрийэр мунньаҕы ыытта.
«Бүгүн кэккэ боппуруостары ырыттыбыт. Ити, бастатан туран, ас-үөл бородуукта сыаната үрдээһинэ. Биһиэхэ оҕолор төгүрүк суукканы быһа олорор, үөрэнэр тэрилтэлэрэ үлэлииллэр-музыка Үрдүкү оскуолата, балет оскуолата, кыыллары аһатар циркэбит. Биһиги этиибитин баһылык өйөөтө, төһө кыалларынан, сыана ыарыырын бэлиэтиир туһунан сорудах биэрдэ. Сыл бүтүүтэ, проблемалар үөскээтэхтэринэ, экономика уонна үп министиэристибэтэ кирэдьиит иэһигэр дьон доухуода бара турбатын туһугар эбии үп көрүллүөҕэ. Дьон хамнаһы ылыахтаах, уонна ол таһыма төһө кыалларынан түһүө суохтаах. Биллэн турар, биһиги салааларбытыгар баар үлэ миэстэлэрин харыстыахтаахпыт», — диэн регион култууратын миниистирэ иһитиннэрдэ.
Ону сэргэ, Юрий Куприянов репертуарнай былааны сайыннарыыга сорук туруорда, кэлэр көлүөнэни патриотизм тыынын иитэргэ спектакллары уонна көрдөрүүлэри элбэтии наадатын эттэ.
