Саха сиригэр коронавирус хааччахтара пандемия саҕаланыытын таһымыгар диэри күүһүрүөхтэрэ суоҕа. Бу туһунан регион баһылыга Айсен Николаев «Россия 24» ханаалга быһа эфиргэ иһитиннэрдэ.
«Аан дойдуга, дойдуга уонна өрөспүүбүлүкэҕэ ыарыы улам улаатан эрэр. Бу сырыыга улаханнык хааччахтыыр дьаһаллары ылыахпыт суоҕа дии саныыбыт. Ол эрээри аҕа көлүөнэ, хроническай ыарыылардаах дьон — общественнай миэстэлэргэ уонна үлэҕэ мааскалары кэтэ сылдьалларын, ону тэҥэ ревакцинацияны кэмигэр ааһалларын сүбэлиибит», — диэтэ Айсен Николаев.
Санатан эттэххэ, кэнники сууккаҕа өрөспүүбүлүкэҕэ 59 киһи ыалдьыбытыттан, 56 киһи балыыһаҕа киирдэ.
