Саха сирин борокуратуурата «Россия — моя история» парк территориятыгар быыстапка тааҥкатыгар оҕо өлүүтүнэн бэрэбиэркэ түмүгүн иһитиннэрдэ.
Тохсунньу 20 күнүгэр тохсус кылаас икки үөрэнээччитэ күнүс «Россия — моя история» пааркаҕа кэлбиттэр. Оҕолор быыстапкаҕа турар тааҥка корпуһун түгэҕэр саппаас тахсыы люгунан киирбиттэр, онно биир оҕону тимир баттаабыт. Уол оҕо ылбыт эчэйиититтэн миэстэтигэр өлбүт.
«Маннык түбэлтэ кэһиилэртэн таҕыста, ол иһигэр, саппаас тахсыы люга иһэрдиллибэтэх, техникаҕа киирии аһаҕаһа, анал күрүө суоҕа, экспонаты сөптөөх хонтуруоллааһын суоҕа», — диэн биэдэмистибэҕэ иһитиннэрдилэр.
Борокуратуура «Россия — моя история» музейнай комплекс дириэктэригэр туруорсууну (көрүүгэ) киллэрдэ. Борокуратуура хонтуруолугар РФ ХК 109 ыст. 1 чааһыгар холуобунай дьыаланы силиэстийэлээһин хаамыыта (сэрэҕэ суохтан өлөрүү) баар.
Бэрэбиэркэ кэмигэр маннык быһылааны таһаарбат сыалтан, байыаннай техника экспонаттара баар Саха кадетскай интернат-оскуолатын дириэктэригэр уонна пааркалар уонна уопсастыбаннай пространстволар дирекцияларын дириэктэригэр сокуону кэһии тахсыбатын туһунан сэрэтиилэр биллэрилиннилэр.
This post was published on 03.02.2026 13:16 13:16