Саха сирин боксаҕа сүүмэрдэммит хамаандатын бэрэстэбиитэллэрэ Социалистическай Үлэ Геройа Николай Семизоров уонна «Спартак» бириистэригэр боксаҕа Бүтүн Россиятааҕы күрэхтэһии кыһыл көмүс уонна үрүҥ көмүс мэтээллэрин хаһаайыннарынан буоллулар. Бу туһунан өрөспүүбүлүкэ сүүмэрдэммит хамаандаларын спортивнай бэлэмнэниилэрин киинигэр иһитиннэрдилэр, диэн суруйда ЯСИА.
Турнир тохсунньу 16-22 күннэригэр Тольяттига ыытылынна. Саха сириттэн Максим Припузов (51 кг) финалга киирсиигэ Алтаай кыраайыттан Амат Куртугашевы кыайан, кыһыл көмүс мэтээли ылла.
Саха сирин боксера Андрей Егоровы (54 кг) утары Белгородскай уобаластан Россия чемпионатын призера Богдан Прийма таҕыста. Бу көрсүһүүгэ утарсааччы баһыйда, онон Егоров турнир үрүҥ көмүс призера буолла.
Бэлиэтээн эттэххэ, бу күрэхтэһии Россия юниордарга күрэхтэһиитигэр сүүмэрдиир тэрээһининэн буолла.
This post was published on 23.01.2026 12:03 12:03