Саха сирин биэс аэровокзала «Лучший аэропорт стран-участниц СНГ» куонкурус 2020 сыллааҕы түмүгүнэн кыайыылаахтарынан буоллулар. Тэрээһини гражданскай авиация «Аэропорт» ассоциацията ыытар, «Якутия 24» ханаал «Аэропорты Севера» пресс-сулууспатыгар сигэнэн суруйар.
«За активную производственную деятельность» номинацияҕа бастыҥнарынан Нерюнгри, Маҕан, Үөһээ Бүлүү, Полярнай уонна Усть-Куйга аэропортара ааттаннылар.
Куонкуруска Россия куораттарын уонна СНГ дойдуларын, гражданскай авиация авиахампаанньаларын уонна тэрилтэлэрин аэровокзаллара кыттыыны ыллылар. Кэмитиэт үлэ көрдөрүүтүн, пассажирдары хааччыйыы хаачыстыбатын уонна көтүү куттала суох хааччыллыытын таһымын көрөллөр.
