МТС сыыппараҕа экосистемата Россия судаарыстыбаннай бибилэтиэкэтин уонна «Система» аһымал фондатын кытта Россия сэлиэнньэлэригэр, кыра уонна орто куораттарыгар бибилэтиэкэлэр уонна бибилэтиэкэ дьыалатын испэсэлиистэрин өйүүр бүтүн Арассыыйатааҕы куоҥкуруһу ыыталлар. Кыайыылаахтар бибилэтиэкэ куйаарын сыыппараҕа таһаарыы бырайыактарыгар уонна да атын көҕүлээһиннэргэ граннары ылаллар.
«Бибилэтиэкэ систиэмэтэ» куоҥкурус социальнай көх, сырдатыы уонна үөрэх кииннэрин быһыытынан регионнааҕы бибилэтиэкэлэри өйүүргэ, ону тэҥэ технологиялары уонна аныгы сыыппара быһаарыыларын киллэрэн, кинилэр оруолларын күүһүрдэргэ ыытыллар. 7,9 мөлүйүөн солкуобай харчы фондата үс номинацияҕа кыайыылаахтар икки ардыларыгар түҥэтиллиэҕэ:
– “Инновация бибилэтиэкэтэ” — түөрт тэрилтэ цифровизация, партнерстволары сайыннарыы, сырдатар көҕүлээһиннэри тэрийии бырайыактарыгар, ону таһынан инклюзивнай тиийимтиэтин үрдэтиигэ 700 тыһыынча солкуобайга тиийэ граннары ылыахтара.
— “Оҕо саас устуруокалара” – номинация оҕолор уонна ыччат ортолоругар ааҕыыны тарҕатыыга креативнай бырайыактары өйүүргэ туһуланар. Үс кыайыылаах 700 тыһыынча солкуобайга диэри граннары ылыахтара, ону тэҥэ фонданы аныгы оҕо, ыччат литературатынан хаҥатыахтара.
— «Тус кылаат» — тэрилтэлэрин уопсастыбаннай көҕүлээһин кииннэригэр кубулуппут 15 библиотекарь 200 тыһыынча солкуобай тус бириэмийэлэри ылыаҕа.
«Аныгы библиотекалар Саха сирин дьонун сырдатар, культурнай сынньалаҥ сүрүн киинэ буолаллар. Холобур, тыа сирин библиотекаларыгар өрөспүүбүлүкэ олохтоохторо цифровой ресурсаларга киирэн бириэмэлэрин туһалаахтык атаарыахтарын сөп. Грант бибилэтиэкэлэр сайдыыларыгар үчүгэй көмө, библиотека дьыалатыгар умсугуйар исписэлиистэргэ көҕүлээһин буолуон сөп», — диэн бэлиэтээтэ Саха Өрөспүүбүлүкэтигэр МТС дириэктэрэ Прокопий Неустроев.
«Бибилэтиэкэ систиэмэтэ» куоҥкуруска кыттарга сайаапкалар кулун тутар 15 күнүгэр диэри бырайыак сирэйигэр ылыллаллар. Кыайыылаахтар ыам ыйыгар Екатеринбурга бүтүн Россиятааҕы библиотека конгреһын чэрчитинэн үөрүүлээх тэрээһиҥҥэ биллэриллиэхтэрэ.
This post was published on 18.02.2026 16:07 16:07