29 Кулун тутар 29.03
  • -13°
  • $ 92,26
  • 99,71

Саха сирин бастыҥ ыалларын чиэстээтилэр

10:22, 05 декабря 2019
Текст:
Читайте нас на
Яндекс Новости
ЯДВ

Дьокуускай куорат Кулаковскай аатынан культура уораҕайыгар сыл бастыҥ ыалларын чиэстээтилэр.


Өрөспүүбүлүкэҕэ ыытыллыбыт дьиэ кэргэн куонкурустарыгар бастаабыт биэс ыалы чиэстиир дьоро күн буолла. Үлэ уонна социальнай сайдыы  миниистирэ Елена Волкова хас биирдии ыалга  диплом уонна  тэлэбиисэр бэлэхтээтэ.

“Үтүө үгэһи үйэтитэр дьиэ кэргэн“ бочуоттаах ааты ылбыт Таатта Туора Күөлүттэн Куһумууннар дьиэ кэргэн 21 сиэн 4 хос сиэн буолан кэлбиттэр. Бу туһунан Варвара Кузьмина-Максимова маннык кэпсээтэ:

— Дьиэ кэргэни түмэр улахан тэрээһиннэр өрөспүүбүлүкэбитигэр ыытыллаллара дьон санаатын кынаттыыр дии саныыбын. Биһиги Таатта улууһугар ыытыллыбыт куонкуруска кыайаммыт, өрөспүүбүлүкэҕэ бастааммыт, бүгүҥҥү үөрүүлээх күҥҥэ кэллибит. Биһиги дьиэ кэргэн иһинэн айар бөлөхтөөхпүт. Бары да ырыаҕа-хоһооҥҥо, үҥкүүгэ талааннаахпыт. Ити барыта биһиги төрөппүттэрбит Анна уонна Николай өҥөлөрө буолар. Оҕо эрдэхпититтэн кинилэр биһигини культура эйгэтигэр чугаһатан, биһиги оҕолорбутугар бу үтүө үгэһи үйэтитэбит. 

Ульяна ЗАХАРОВА. «Саха сирэ», edersaas.ru

Следите за самым важным и интересным в Telegram-канале и WhatsApp-группе ЯСИА