«Саха сирин балыга» дьаарбаҥка ааспыт нэдиэлэҕэ Дьокуускай куоракка Хомсомуол болуоссатыгар ыытылынна. 12 балык хаһаайыстыбата уонна 14 тыа хаһаайыстыбатын кээпэрэтиибэ, предпринимателлэр кытыннылар.
Үс күн устата Дьокуускай куорат олохтоохторугар уонна ыалдьыттарыгар 100-тэн тахса туонна сайыҥҥы-күһүҥҥү булт сибиэһэй балыга сөптөөх сыанаҕа бэрилиннэ.
Саамай дьон болҕомтотун тарпыт дьаһалынан — «Ураса из строганины» куонкурус буола, манна алта хамаанда кытынна. 500 киилэ тоҥ балыктан астаатылар. Рекорд олохтонно — 29 киһи 55 мүнүүтэ иһигэр 288,6 киилэни кыстылар.
Онон былырыыҥҥы рекорду олохтообут Ямало-Ненецкай уокуруктары куоһардылар, кинилэр ситиһиилэрэ 140 кг кыһыллыбыт балык бэлиэтэммитэ, суруйда тыа хаһаайыстыбатын министиэристибэтин пресс-сулууспата.
This post was published on 28.10.2024 11:06 11:06