Саха сириттэн байыаннай дьайыы кыттыылаахтарыгар 32 туоннаттан тахса гуманитарнай таһаҕас тиэрдилиннэ. Бу туһунан брифиҥҥэ СӨ гражданскай оборуонаҕа уонна нэһилиэнньэ олоҕор-дьаҕаһар куттал суоһаабатын хааччыйар миниистир Дмитрий Лепчиков иһитиннэрдэ диэн СӨ Ил Дарханын уонна Бырабыыталыстыбатын дьаһалтатын пресс-сулууспата суруйар.
Миниистир эппитинэн, бу сыл тохсунньутуттан РФ саҥа территорияларыгар массыынанан 28 рейс оҥоһулунна, 86 тырааныспар тиксэрилиннэ.
«Билигин пилота суох көтөр аппарааттар саппаас чаастарын тиксэрии түмүктэнэн эрэр, ол иһигэр ЯК-14 диэн Саха сиригэр оҥоһуллубут платформа баар», — диэн Дмитрий Лепчиков иһитиннэрдэ.
Билигин тэрилтэлэртэн тискэриллибит өссө биэс тиэхиньикэ ыытыллаары бэлэм турарын миниистир бэлиэтээн эттэ, суруйда Саха сирэ саайт.
This post was published on 21.05.2025 16:34 16:34