Саха сирин баһылыгын инаугурацията балаҕан ыйын 27 күнүгэр ыытыллыаҕа. Бу туһунан Айсен Николаев ТАСС-ка биэрбит интервьютугар иһитиннэрдэ.
«Биһиэхэ балаҕан ыйдааҕы быыбардар кэннэ саҥа дуоһунаска киирии үгэс быһыытынан , балаҕан ыйын 27 — Саха сирин судаарыстыбыннаһын күнүгэр түбэһэр. Биэс сылга биирдэ бу барыта сөп түбэһэр», — диэтэ Айсен Николаев.
Санатан эттэххэ, үс күннээх куоластааһын түмүгүнэн Айсен Николаев 75,77% куолаһы хомуйан кыайыыны ситистэ. Быыбарга барыта 314 917 киһи кыттан куолаһын биэрдэ, бу уопсай нэһилиэнньэ ахсааныттан 48,41% тэҥнэһэр.
