Балаҕан ыйын 25 күнүгэр сарсыарда балаҕан ыйын 27 күнүгэр буолар Айсен Николаевы кытта “Быһа холбонууга» 875 ыйытыы киирдэ.
Региону салайар киин иһитиннэрэринэн, үгүс ыйытыы Дьокуускайтан киирдэ, онтон Нерюнгри, Алдан, Өймөкөөн, Абый, Ленскэй, Мииринэй, Орто Халыма оройуоннара кэлэллэр.
Саха сирин олохтоохторо үксүн саахалланар дьиэттэн көһөрүү, эбийиэктэри тутуу, тупсарыы, ОДЬКХ, социальнай төлөбүрдэр тустарынан ыйытыылары биэрэллэр.
Ил Дархаҥҥа ыйытыыны хайдах биэрэбит
Ким баҕарар бэйэтин боппуруоһун туһаайыан сөп:
чат-бот Telegram @voprosGlaveYakutii_bot;
колл-киин 8 (4112) 506-006 (09:00 — 18:00 ч).
Саха сирин баһылыгын «Быһа холбонуутун» хаһан, ханна көрүөххэ сөбүй
Эфир балаҕан ыйын 27 күнүгэр олохтоох бириэмэнэн 19:00 чааска саҕаланыаҕа. Айсен Николаев үгэс курдук Саха сирин олохтоохторун ыйытыыларыгар хоруйдуоҕа, регион сайдыытыгар саҥа соруктар тустарынан кэпсиэҕэ.
Эфир биэриитэ ыытыллыа:
«НВК Саха», «Якутия 24», «Россия 24» телеканалларга;
«Тэтим», «Арассыыйа Араадьыйата», «Виктория Саха», «СТВ-радио» араадьыйаҕа;
Айсен Николаев тус социальнай ситимнэригэр.
This post was published on 25.09.2025 11:33 11:33