«Саха Өрөспүүбүлүкэтигэр олохтоох салайыныы туһунан» өрөспүүбүлүкэтээҕи сокуон дьүүллэһиллэр бырайыагын уратытын туһунан сэтинньи 12 күнүгэр «Актуальнай интервью» биэриигэ баһылык уонна бырабыыталыстыба дьаһалтатын олохтоох салайыныы боппуруостарыгар департамент салайааччыта Иван Попов кэпсээтэ. Кини, чуолаан, Саха сирин баһылыгар муниципальнай тэриллиилэр баһылыктарын дуоһунастарыгар кандидатуралары ким киллэриэхтээҕин быһаарда.
Куорат уокуругун уонна муниципальнай оройуон баһылыгар сыһыаннаан, сокуон барылынан, муниципальнай тэриллии баһылыгын талыыга биир ньыма көрүллүбүт. Холобур, «Дьокуускай куорат» куорат уокуругун баһылыгар сыһыаннаан, үлэлиир федеральнай сокуонунан баһылык муниципальнай тэриллии бэрэстэбиитэллээх органынан – ол эбэтэр Дьокуускай куорат Дууматынан – өрөспүүбүлүкэ баһылыга ааттаабыт иккиттэн итэҕэһэ суох хандьыдааттан талыллар диэн чуолкайдык суруллубут. Бу механизмы муниципальнай оройуоннар баһылыктарыгар эмиэ тарҕатарга этиллэр.
Иван Попов муниципальнай тэриллии баһылыгын дуоһунаһыгар кандидатуралары регионнар баһылыктарыгар туруорар субъектар эмиэ федеральнай сокуоҥҥа суруллубуттарын бэлиэтээтэ.
Сиһилии манна ааҕыҥ.
This post was published on 13.11.2025 11:13 11:13