Ил Дархан Айсен Николаев бүгүн, ахсынньы 28 күнүгэр, Мэҥэ Хаҥалас оройуонугар оробуочай сырыыта саҕаланна. Кини саҥа тутулла турар эбийиэктэри бэрэбиэркэлиэ.
Регион салайааччыта Айсен Николаев Аллараа Бэстээххэ универсальнай саалалаах, бассейннаах спортивнай комплекс уонна Майаҕа Д.Ф. Ходулов аатынан культурнай-сынньанар элбэх функциялаах киин тутууларын хаамыытын көрүө.
Айсен Николаев И.Г. Игнатьев аатынан Хараннааҕы спортивнай орто оскуола саҥа дьиэтин арыллыытыгар кыттыыны ылыа. Сокуоннай саастарын ситэ илик оҕолор социальнай-реабилитационнай кииннэрин үлэһиттэрин кытта көрсүө, диэн тустаах пресс-сулууспа иһитиннэрэр.
This post was published on 28.12.2019 10:34 10:34