Бээтинсэҕэ Саха сирин баһылыга Алдан оройуонугар кэллэ. Айсен Николаев онно икки күн үлэлиэҕэ. Сырыы чэрчитинэн оройуон 2030 сылга диэри сайдыытын туһунан ыйаахха илии баттааһын былааннанар. Бу туһунан кини пресс- сэкиритээрэ Афанасий Ноев иһитиннэрэр.
Алдан оройуонугар Айсен Николаев тимир суолунан тиэниллэр контейнеры оҥорор сыах үлэтин, ПАО «Селигдар» үлэһиттэригэр микрорайон тутуутун бэрэбиэркэлиэҕэ, Якокит бөһүөлэгэр баар агробырамыысаланнас объектарыгар сылдьыаҕа, Үөһээ Куранахха элбэх кыбартыыралаах дьиэни үлэҕэ киллэриигэ кыттыаҕа.
Регион баһылыга Аллараа Куранах бөһүөлэгин 75 сылыгар анаммыт өрөгөйдөөх тэрээһиҥҥэ кыттыыны ылыаҕа.
Николаев салалтатынан Алдан уонна Нерюнгри оройуоннарыгар ыксаллаах быһыы-майгы туһунан оперативнай мунньах буолуоҕа.
This post was published on 15.07.2022 15:03 15:03