Саха сиринээҕи УГМС иһитиннэрбитинэн, бээтинсэҕэ, балаҕан ыйын 26 күнүгэр, Саха сирин баһыйар өттүгэр ардыаҕа. Кэбээйи уонна Томпо оройуоннарыгар күүстээх ардах түһүөҕэ. Дьааҥы уонна Усуйаана улуустарыгар күүстээх хаар түһэрэ күүтүллэр.
Синоптиктар сэрэтэллэринэн, Дьокуускайга уонна кини эргин, Горнай, Хаҥалас, Нам, Мэҥэ Хаҥалас, Уус Алдан, Таатта, Чурапчы, Амма, Ленскэй, Өлүөхүмэ, Томпо, Өймөкөөн, Уус Алдан оройуоннарыгар сөкүүндэҕэ 15-20 миэтэрэ күүстээх тыал буолуоҕа. Арктика оройуоннарыгар сөкүүндэҕэ 18-23 миэтэрэҕэ тиийиэҕэ, буурҕалаах.
Түүн киин оройуоннарга салгын температурата +1…+6, соҕуруу +6…+11, хотугулуу-арҕаа, хотугулуу-илин -4…-9, намыһах сирдэргэ -9…-14 буолуоҕа.
Күнүс киин оройуоннарга салгын +8…+13, соҕуруу — +10…+15, арҕаа, хоту +1…+6 буолуоҕа.
Дьокуускайга түүннэри-күнүстэри ардах билгэлииллэр. Түүҥҥү температура +5…+7 кыраадыс. Күнүс +9…+11 кыраадыс эрэннэрэллэр. Субуотаттан эмиэ тымныйан барыаҕа.
