Арассыыйа уонна немец аҥардаах фотограф Нанна Хейтман World Press Photo куонкурус түөрт кыайыылаахтарыттан биирдэстэрэ буолбут. Кини Magnum Photos агентсвоҕа анаан оҥорбут «Тоҥмут сир умайара» диэн ааттаах хаартыскаҕа түһэриилэрэ «Фотоистория» бөлөххө кыайыыны ситиспитин ТАСС иһитиннэрэр.
Хаартыскалар Саха өрөспүүбүлүкэтигэр 2021 сыл сайын буолбут ойуур баһаарын туһунан кэпсиир. Ол гынан баран, баһаар тематын таһынан атын кыһалҕалары эмиэ сырдаппыт. Холобур, салгын баттааһына үрдээн ирбэт тоҥ ириэрэн эрэрин, баһаары умуруора сылдьар волонтердар ыарахан дьылҕаларын туһунан.
Итини таһынан, анал ахтыыны «М+Т» (Мини уонна Татьяна) диэн Ленинградскай уобаласка баар «Светлана» диэн ураты социальнай дэриэбинэҕэ олорор даун синдромнаах саастаах паара туһунан Мария Гельман түһэрбит хаартыскалара ситистилэр. Бу дэриэбинэҕэ иитээччилэри уонна волонтердары кытта араас ментальнай уонна физическэй уратылаах дьон олороллор.
World Press Photo 1955 сылтан ыла баар аан дойду фотографтарын саамай престижнэй куонкурустарыттан биирдэстэрэ буолар.
