Көс омуктар V-с аан дойдутааҕы оонньууларын иитинэн ыытыллар мас тардыһыы күрэхтэһиитигэр Саха сирэ ситиһиилэннэ, НВК Саха сайт суруйар.
Турнирга Казахстаҥҥа оробуочай сырыынан тиийбит Ил Дархан Айсен Николаев ыалдьыттаата.
Ол курдук, 70 киилэҕэ диэри ыйааһыҥҥа Айсиэн Мигалкин чемпион үрдүк аатын сүктэ. Оттон 80 киилэҕэ диэри Айсен Атастыров кыайыыны ситистэ.
«Мас тардыһыыта норуоттар икки ардыларыгар болҕомтону тардара биһирэбиллээх. Биир дойдулаахпыт, мас тардыһыытыгар тренер Михаил Ершов оонньуулар арыллыыларыгар дойдубут знамятын тутан киирбитэ долгутуулаах», — диэн Айсен Николаев бэлиэтээтэ.
This post was published on 10.09.2024 13:35 13:35