Саха сирин салалтата Арктикаҕа үс нэһилиэнньэлээх пуун маастар-былаанын оҥордо. Ол туһунан бырабыыталыстыба бэрэссэдээтэлин бастакы солбуйааччыта Кирилл Бычков, «Арктика — территория развития» мунньахха эттэ, суруйар СИА.
Кирилл Бычков эппитинэн, Тиксии, Өлөөн уонна Чокурдаах территориальнай сайдыыларын маастар-былааннара оҥоһуллубут. Үлэ үрдүк таһымҥа ыытыллыбыт, былааҥҥа промышленность, туризм, хаһаайыстыбаннай үлэ уонна хотугу норуоттар култуураларын уратытын сайдыыта учуотанна. Хас биирдии былаан бэйэтэ дизайн-кодтаах. Сүрүн болҕомто брендиҥҥа, территорияны билиигэ-көрүүгэ ууруллунна, диэн кини быһаарда.
«Арктика — территория развития» конференция Дьокуускайга ыам ыйын 23-25 күннэригэр ыытыллар. Арктикаҕа олох хаачыстыбатын тупсарыыга кэпсэтиилэр бараллар. Бу Россия судаарыстыбаннай бэлиитикэтиттэн биирдэстэрэ буолар.
Хаартыска: Мария Васильева, ЯСИА
This post was published on 24.05.2022 11:01 11:01