«СӨ ОДЬКХ» ГУТ Арктикатааҕы филиаллара бары 2025-2026 сыллар күһүҥҥү-кыһыҥҥы кэмнэригэр киирдилэр. Итиини социальнай эйгэ эбийиэктэригэр уонна олорор дьиэ пуондатыгар биэрии ыытыллар.
Үгэс быһыытынан аан бастакынан ититэр сезону Аллайыаха филиала арыйда. Атырдьах ыйын бүтүүтүгэр сылаас Дьааҥыга, Эбээн-Бытантай уонна Эдьигээн оройуоннарыгар бэрилиннэ. Атырдьах ыйын 31 күнүгэр күһүҥҥү-кыһыҥҥы кэми Үөһээ Халыма филиала саҕалаата.
Өрөмүөн хампаанньатын чэрчитинэн Арктика оройуоннарыгар сүрүн уонна көмө оборудованиены солбуйар уонна өрөмүөннүүр үлэлэр ыытылыннылар, инженернэй ситимнэр учаастактара уопсайа 18 км уһуннаах өрөмүөннэннилэр.
“Бүлүү, илин эҥэр уонна киин оройуоннар филиалларыгар хочуолунайдары балаҕан ыйын бастакы аҥарыгар тэрилтэ бирикээһининэн үлэҕэ киллэрии былааннанар», — диэн “СӨ ОДЬКХ» ГУТ кылаабынай инженерэ Владимир Бондарь иһитиннэрдэ.
