Саха сирин Арктикатыгар овцебыктары 1996 сыллаахтан олохсутан барбыттара. Билигин кинилэр ахсааннара 6500 буолла. Ол туһунан экология министиэристибэтэ ТАСС-ка кэпсээтэ.
«Өрөспүүбүлүкэҕэ овцебыктар ахсааннара 2024 сылга 6500 буолла. Үчүгэй көрдөрүү эрээри, Саха сирин туундаратыгар толору олохсута иликпит», — диэтилэр биэдэмистибэҕэ. Министиэристибэҕэ эппиттэринэн, бу тустаах бырагырааманы ситэри үбүлээһин барбатаҕын кытта сибээстээх.
Овцебык Саха сирин Кыһыл кинигэтигэр киирэр. Онон кыылы көҥүлэ суох бултааһын иһин ыстыраап уонна төлөбүр көрүллэр.
This post was published on 14.03.2024 11:01 11:01