21 Тохсунньу 21.01
  • -48°
  • $ 73,82
  • 83,32

"Саха сирин амтана": Куорат бастыҥ ресторанынан "Махтал" ааттанна

12:16, 05 декабря 2016
Текст:

Дьокуускайга үс күн устата ыытыллыбыт «Саха сирин амтана» ас-үөл фестивала түмүктэннэ. Манна муҥутуур кыайыылааҕынан «Махтал» ресторан (салайааччылар кэргэннии Ньурустаана уонна Иннокентий Лукиннар) буолла.


«Махтал» иккис төгүлүн бу фестивалга кыайда. Хара искэхтээх чыыр балыктара күрэхтэһии бастыҥ бүлүүдэтинэн ааттанна.

«Маннык улахан куонкуруска кыайбыппытыттан олус үөрдүбүт. Кыайыы бигэтик сайдан иһэрбит туоһута. Аспытын-үөлбүтүн куруук тупсара турабыт. Ситиһиибит кистэлэҥэ – сибиэһэй бородуукта уонна үлэбитигэр таптал буолар», — диэн СИА-ҕа Иннокентий Лукин эттэ.

«Этническэй рестораннар» ортолоругар кыайыылаахтарынан буоллулар:

  • «Омук бастыҥ аһа» — «Тото-хана» ресторан салайааччыта Любовь Макарова;
  • «Ас ураты рециэбэ» аакка — «Усадьба Атласовых» ресторан салайааччыта Николай Атласов;
  • «Аһы астыырга омук үгэһин харыстаан илдьэ сылдьыы» — аакка «Чочур Мыраан» ресторан салайааччыта Ирина Прокопьева.

«Классическай ресторан» категорияҕа кыайыылаахтарынан таҕыстылар:

  • «Бастыҥ ас-үөл» — «Ленские зори» ресторан салайааччыта Лена Сидорова.
  • «Бүлүүдэ ураты рециэбэ» — «La Fontain» ресторан салайааччыта Николай Ефимов.
  • « Аһы астыырга омук үгэһин харыстаан илдьэ сылдьыы» — «Мандарин» ресторан салайааччыта Наталья Василенко.ҥ

Кыайыылаахтар бириис быһыытынан 30 тыһ.солк. ыллылар.

«Фестивал таһыма сылын аайы үрдүү турар. Манна кыайтарбыт диэн суох, бары үрдүк хайҕалы уонна кыайыыны ыларга сөптөөх дьон», — диэтэ Арассыыйа ресторатордарын уонна отельердарын федерацияларын салайааччыта Игорь Бухаров.

Быйыл «Саха сирин амтана» фестивал «Russian Event Awards» куонкурус «Лучшее туристическое событие в области гастрономического туризма» аакка кыайыылаах буолбута.

0
0
21 января 21.01
  • -48°
  • $ 73,82
  • 83,32