Кулун тутар 4-5 күннэригэр Дьокуускай «Модун» спорткомплексыгар эр дьоҥҥо, дьахталларга уонна 40-тэн үөһээ саастаах бэтэрээннэргэ гиревой спорт чемпионата буолуоҕа. Күрэхтэһии Иустин Кулачикова аатынан ыытылынна. Бу туһунан В. Манчаары аатынан национальнай көрүҥнэр өрөспүүбүлүкэтээҕи киинэ иһитиннэрэр.
Чемпионакка өрөспүүбүлүкэ 16 оройуонуттан 150-чэ спортсмен кыттыаҕа. Ол иһигэр ааттаах- суоллаах спортсменнар аан дойду уонна Европа чемпионаттарын призера Владимир Оленов, Арассыыйа кубогын призердара, спорт маастардара Руслан Лугинов уонна Елена Иванова, «Сахаада- спорт» ассоциация лауреата Егор Попов, спорт маастара Иннокентий Чичигинаров уонна да атын күүстээх бэтэрээннэр күөн көрсүөхтэрэ.
