24 Тохсунньу 24.01
  • -48°
  • $ 73,82
  • 83,32

Саха сирин 75 сэлиэнньэтэ арыгыны атыылыыры тохтотто

14:46, 08 сентября 2016

Саха сирин 75 нэһилиэгэр, сэлиэнньэтигэр олохтоохтор көҕүлээһиннэринэн итирдэр утаҕы атыылааһын тохтотулунна. Ити туһунан СИА-ҕа арыгы розничнай атыытын лицензиялыыр судаарыстыбаннай кэмитиэт управлениетын салайааччыта Матвей Лыткин эттэ.


«Өрөспүүбүлүкэ арыгылааһыны утары ыытар кэлимсэ бэлиитикэтин дьон-сэргэ өйүүр. Бүтүн улууһунан бу утаҕы атыылыыры бобор туһунан этиилэри киллэрэллэр», —диир Матвей Лыткин.

Бүгүҥҥү туругунан ордук куораттарга: Дьокуускайга, Алдаҥҥа, Нерюнгрига, о.д.а. итирдэр утаҕы атыылаһыыны тохтотууга кыһалҕалар бааллар.

«Нэһилиэнньэ биир киһитин ирээтигэр тиксэр арыгы элбэҕиттэн социальнай кыһалҕа үксүүр. Ону ырытыы ырылхайдык туоһулуур», — диир кини.

Статистика дааннайдарыгар олоҕурдахха, 2010 сылга итирдэр кытаанах утахтары атыылааһын көрдөрүүтэ биллэ намтаабыт. Ону таһынан атыылыыр тэрилтэ ахсаана 38% кыччаабыт.

Итирик туруктаах ыарахан уонна ураты ыарахан буруйдары оҥоруу көрдөрүүтэ намтаабыт.

«Дьон арыгыттан туттунар буолуута – сөптөөх хардыы. Өрөспүүбүлүкэ баһылыга Егор Борисов: Арыгылааһын регион сайдарын күүскэ атахтыыр диэн сөпкө этэр», — диир  Матвей Лыткин.

Саха сиригэр билигин «Арктика без алкоголя» диэн конгресс буола турар. Балаҕан ыйын 8 күнүгэр төгүрүк остуолга тэрээһин түмүгэ тахсыаҕа.

0
0
24 января 24.01
  • -48°
  • $ 73,82
  • 83,32