Ыам ыйын 9 күнүгэр «Тиэргэнинэн ыллыыбыт» аахсыйа түмүктэннэ. Волонтердар, артыыстар бөлөхтөрө сэрии бэтэрээнин олбуоругар тиийэн, алтыһыыта суох эҕэрдэлээтэ. Өрөспүүбүлүкэҕэ барыта 73 бэтэрээн маннык бэлэҕи тутта.
Ыам ыйын 8 уонна 9 күннэригэр өрөспүүбүлүкэ үрдүнэн сэрии бэтэрээннэрэ олорор тиэргэннэригэр тиийэн, волонтердар ырыа ыллаатылар. Элбэх кыбартыыралаах дьиэ олохтоохторо, ыаллара балконнарыгар тахсан тэҥҥэ ылластылар.
Саха сиригэр аахсыйаны регионнааҕы сүрүннээччинэн ыччат министиэристибэтэ анаммыта. Кыттыгас толорооччуларынан үлэ уонна култуура министиэристибэлэрэ уонна олохтоох дьаһалталар, «Кыайыы ваолонтердара» Бүтүн Россиятааҕы уопсастыбаннай хамсааһын буоллулар.
This post was published on 09.05.2020 18:02 18:02