19 От ыйа 19.07
  • 21°
  • $ 87,88
  • 96,1

Саха сирин 2030 сылга диэри сайдыытын стратегията чопчуланыаҕа

15:29, 08 июня 2018
Текст:
Читайте нас на
Яндекс Новости
ЯДВ

Саха сирин былааһын иннигэр турар бастакы уочараттаах соруктар – бүддьүөт ороскуотун көрүнүү, эбии үбү-харчыны тардыы уонна 2030 сылга диэри Сайдыы стратегиятын чопчулааһын. Бу туһунан бэс ыйын 7 күнүгэр өрөспүүбүлүкэ Ил Дарханын э.т. Айсен Николаев парламент кэмитиэттэрин салайааччыларын кытта көрсүһүүтүгэр эттэ.

“Чопчу сыыһалар бүгүн бүддьүөккэ көрүллүбэтэх кэккэ ороскуоттарга тиэртилэр”, — диэтэ Айсен Николаев.

Николаев маны ОДьКХ тэрилтэлэригэр ороскуоттарын толуйуу боппуруоһугар сыһыаннаан холобурдаата. Бу 10 миллиард солкуобай кэриҥэ суума туһунан. “Ити уопсай түмүккэ биһиги бөдөҥ тэрилтэлэрбитигэр охсор, кинилэр бүгүн тиэйэр үлэнэн дьарыктаныахтаахтар. Оттон үбүлээһин ситэ көрүллүбэтэҕиттэн кинилэр үлэлэригэр-хамнастарыгар уустуктар тахсаллар”.

Бу бастакы уочараттаах соруктары быһаарар туһуттан бүддьүөт ороскуоттарын сарбыйыы курдук бэрдэ суох миэрэлэри ылыныахпыт, диэтэ Ил Дархан э.т. Маны сэргэ былаас федеральнай уорганнарын кытта күүскэ үлэлиэхтээхпит.

Руслан Басыгысов, СИА.

Следите за самым важным и интересным в Telegram-канале и WhatsApp-группе ЯСИА