29 Кулун тутар 29.03
  • -14°
  • $ 92,26
  • 99,71

Саха сирин 13 арктическай улуустарын олохтоохторугар субсидиялаах билиэттэр атыыланыахтара

Читайте нас на
Яндекс Новости
ЯДВ

«Якутия» уонна «Полярные авиалинии» бэс ыйыттан алтынньыга диэри 2022 с. кулун тутар 28 күнүттэн субсидиялаах билиэттэри атыылаан саҕалыахтара диэн, СИА-ҕа регион баһылыгын уонна бырабыыталыстыбатын пресс-сулууспата иһитиннэрдэ.

Чэпчэтиилээх билиэттэринэн Арктика оройуоннарыгар регистрациялаах, ону тэҥэ «земскэй учуутал», «земскэй доктор/земскэй фельдшер» федеральнай бырагыраамалар уонна «тыа сирин оскуолаларын уонна хотугу улуустар доруобуйа харыстабылын тэрилтэлэрин педагогическай үлэһиттэрин олорор дьиэнэн хааччыйыы» региональнай бырагыраама кыттыылаахтара туһаныахтарын сөп.

«Якутия» авиахампаанньаҕа субсидиялаах билиэттэрин сыаналара 9100-12700 солк. диэри араастаһар, уонна 6 хайысхаҕа үлэлиир:

— Дьокуускай – Баатаҕай – Дьокуускай;

— Дьокуускай – Депутатский – Дьокуускай;

— Дьокуускай – Өлөөн – Дьокуускай;

— Дьокуускай – Орто Халыма – Дьокуускай;

— Дьокуускай – Тиксии – Дьокуускай;

— Дьокуускай – Чокурдаах – Дьокуускай.

«Полярные авиалинии» 11 хайысханан үлэлиир, билиэт сыаната 8800-тан 23050 солк. диэри тиийэр:

— Дьокуускай — Баатаҕай – Дьокуускай;

— Дьокуускай — Зырянка – Дьокуускай;

— Дьокуускай — Сааскылаах – Дьокуускай;

— Дьокуускай — Орто Халыма – Дьокуускай;

— Дьокуускай — Тиксии – Дьокуускай;

— Дьокуускай — Черскэй – Дьокуускай (Орто Халыма нөҥүө);

— Дьокуускай — Белая Гора – Дьокуускай;

— Дьокуускай – Муома (Хонуу) – Дьокуускай;

— Дьокуускай — Усть-Куйга – Дьокуускай;

— Дьокуускай – Саккырыыр- Дьокуускай;

— Дьокуускай — Эдьигээн – Дьокуускай.

Санатан эттэххэ, регионнааҕы былаастар көҕүлээһиннэринэн, бу сыл тохсунньутуттан ыла улуустар икки ардыларынан сырыылары субсидиялааһын бырагыраамата аадырыстаах буолла. Быйыл бырагыраамаҕа барыта 250 мөл. солк. көрүлүннэ. Кулун тутар 18 күнүгэр өрөспүүбүлүкэ социальнай- экономическай туруктаах буолуутун хааччыйыыга сүбэ мунньаҕар регион баһылыга Айсен Николаев 350 мөл. солк. диэри үбүлээһини улаатыннарарын туһунан иһитиннэрдэ. Уопсайынан, ити сыалга өрөспүүбүлүкэ бүддьүөтүттэн 600 мөл. солк. көрүллүөхтээх.

Следите за самым важным и интересным в Telegram-канале и WhatsApp-группе ЯСИА