Саха сиригэр бэс ыйын 3 күнүн сарсыардатыгар 19 ойуур баһаарын умуруораллар 11 оройуоҥҥа, экология министиэристибэтэ иһитиннэрэр.
Уот турбут уопсай иэнэ — 20 тыһ тахса гектар. Баһаар Алдан, Бүлүү, Дьааҥы, Нам, Нерюнгри, Ньурба, Сунтаар, Томпо уонна Өлүөхүмэ, Уус Майа, Хаҥалас улуустарыгар бэлиэтэнэр.
Уоту кытта охсуһууга ойуур баһаарыгар үлэлиир тэрилтэлэр 624 сотрудниктара, 39 техника үлэлиир.
Авиациянан кэтээн көрүү 16 салгын суудунатынан оҥоһуллар. Биэс бөртөлүөт уоту умуруорууга дьону уонна туттар малы быраҕыыга үлэлиир.
This post was published on 03.06.2024 14:00 14:00