Быйыл Россия спордун министиэристибэтэ «Земский тренер» бырагырааманы үлэҕэ киллэрдэ Саха Сирэ дойдуга биир бастакы регионунан дьаһалы олоххо киллэриигэ кыттыаҕа. Бу туһунан өрөспүүбүлүкэ физкультураҕа уонна спортка миниистирэ Леонид Спиридонов «Якутия24» телеханаалга «Актуальнай интервью» биэрии эфиригэр иһитиннэрдэ.
«Бырагыраама билиҥҥитэ Уһук Илиҥҥэ уонна саҥа регионнарга эрэ үлэлиир буолан, бу бырагыраамаҕа бастакынан киирбиппититтэн олус үөрэбит. 2025 сылга Саха сирэ үс квота ылла. Сотору оройуоннарга баар вакансияларынан үлэлиэхпит. Үүнэр уонна кэлэр сылларга аны 18 квота көрүллүөҕэ. Бу өрөспүүбүлүкэ оройуоннарыгар спорду сайыннарыыга көмөлөһүөҕэ», — диэн миниистир эттэ.
Уһук Илин 50 тыһыынча киһилээх нэһилиэнньэлээх пууннарыгар үлэҕэ көһөр физкультура уонна спорт эйгэтигэр исписэлиистэргэ биир кэмнээх төлөбүр 2 мөл. солк. буолуоҕа.
Леонид Спиридонов министиэристибэ быйыл ыыппыт үлэтин кэпсээтэ. Кини этэринэн, 2025 сыл үс кыбаартала көдьүүстээхтик ааста. Ол туһунан сиһидии манна аах.
This post was published on 09.10.2025 15:52 15:52