Дьокуускайга үлэтинэн РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ — РФ Бырабыыталыстыбатын бэрэссэдээтэлин солбуйааччы Юрий Трутнев уонна Уһук Илин, Арктика сайдыытыгар РФ миниистирэ Алексей Чекунков кэллилэр, диэн бырабыыталыстыба пресс-сулууспата биллэрэр.
Кинилэр Ил Дархан Айсен Николаевы кытта бүгүн Горнай улууһун Бэс Күөлүгэр сылдьан, саҥа тутуллубут дьиэлэр хаачыстыбаларын бэрэбиэркэлиэхтэрэ, ойуур баһаарыттан эмсэҕэлээбит олохтоохторго сөптөөх көмө оҥоһуллубутун-суоҕун быһаарыахтара.
Юрий Трутнев Дьокуускайга хас даҕаны мунньаҕы ыытыаҕа, ол быыһыгар энергетиканы харыстыыр боппуруостары таарыйыаҕа, уонна инвестиция бырайыактарын үлэлэтэр инвестордары кытары көрсүөҕэ.
This post was published on 18.11.2021 10:03 10:03