18 Ыам ыйа 18.05
  • -7°
  • $ 104,68
  • 115,6

Саха сиригэр ынах сүөһү уонна сылгы ахсаана элбии турар

Үөр сылгыны иитээһиҥҥэ Саха сирэ Арассыыйа үрдүнэн бастакы миэстэҕэ, таба ахсаанынан үһүс миэстэҕэ таҕыста. Маны таһынан, сүөһү иитиитин бородууксуйатын оҥорон таһаарыы кээмэйинэн Саха сирэ Уһук Илин уокурук 11 субъегын быыһыгар эмиэ бастакы күөҥҥэ сылдьар. Ынах сүөһү ахсаанынан Уһук Илиҥҥэ Саха сирэ бастыҥнар быыстарыгар үһүс көрдөрүүлээх, диэн СИА кэпсиир.

Былырыын ахсынньы 1 күнүнээҕи туругунан, Саха сиригэр сүөһү ахсаана 195 779 (ынах – 74660) буолбут эбит буоллаҕына, бу сыыппара бүгүн 203 275, ол иһигэр ыанар ынаҕа – 76 865 тэҥнэстэ. Ол аата көрдөрүү 7 496 төбөнөн улааппыт.

Саха сиригэр сылгы ахсаана эмиэ элбиир. Өскөтүн ааспыт сылга өрөспүүбүлүкэ үрдүнэн 205 601 сылгы буоллаҕына, быйыл – 215 098. Инньэ гынан, сылгы ахсаана 9 497  төбөнөн элбээбит.

Тыа хаһаайыстыбатын табаарын оҥорон таһаарааччылары өйөөрү бааһынай хаһаайыстыбаларга уонна чааһынай фермердэргэ, хотон туталларыгар, тустаах техникэ атыылаһалларыгар, үүт-эт оҥорон таһааралларыгар көмө харчыны көрдүлэр.

СӨ бырабыыталастыбатын пресс-сулууспата

Андрей Сорокин түһэриитэ

Следите за самым важным и интересным в Telegram-канале и WhatsApp-группе ЯСИА
0
0