Сотору кэминэн Саха сиригэр ыччаты патриотическай иитии туһунан сокуон ылыллыаҕа. Сокуон бырайыага бүтэһик аҕыыга бэс ыйын бүтүүтэ күүһүгэр киириэҕэ.
Украинаҕа анал байыаннай дьайыы уонна доҕордуута суох дойдулартан санкция биллэриллибит кэмигэр ыччаты патриотическай иитии дьаһала күүһүрүөхтээх. «Ааспыт сылга Ил Түмэн депутаттара бастакы ааҕыыга ыччаты патриотическай иитии туһунан сокуон бырайыагын ылыммыттара. Бу түмүктүүр көрүүтэ бэс ыйын бүтэһигэр биллиэҕэ. Ол кэннэ сокуон күүһүгэр сотору кэминэн киириэҕэ», ㅡ диэтэ ыччат дьыалатыгар, физическай култуураҕа уонна спортка сис кэмитиэт бэрэссэдээтэлэ Михаил Гуляев.
Кини эппитинэн, ыччат дойду туруктаах олоҕо Ийэ дойдуларын таптыыр, харыстыыр уонна сыаналыыр гражданнартан толору тутулуктаааҕын өйдүөхтээх. Маннык өйдөбүлэ суох Россия сайдар кыаҕа суох. «Билигин санкциялары биллэрбит дойдуларга сөптөөх эппиэт биэриитэ барар, ол иһигэр импортозамещениеҕа. Саха сирин бырабыыталыстыбата Ил Дархан Айсен Николаевы кытта соруктары бэлиэтээтилэр, бу туолуута нэһилиэнньэ көхтөөх кыттыытыттан эмиэ тутулуктаах», ㅡ диэтэ Гуляев.
