Бырабыыталыстыба вице-премьера Ольга Балабкина эппитинэн, федеральнай сокуон 2020 сыллаахха ылыллар, оттон 2024 сылга уларытыы киирэр. Билигин ыччаты кытта үлэ таһынан, судаарыстыбаннай бэлиитикэҕэ патриотическай уонна духовнай-нравственнай иитии киирэр.
«Сокуоҥҥа саҥа хайысхалар быһаарылыннылар. Ыччат дьон быраабын уонна сокуоннай интэриэһин харыстааһын бу сокуон инники күөҥҥэ тутуллар өрүтэ буолла. Онон регионнааҕы сокуон онно олоҕуран оҥоһулунна», — диэтэ кини.
Өрөспүүбүлүкэтээҕи сокуоҥҥа Саха сиригэр хас эмэ сыл үлэлээн кэлбит хайысхалар киллэрилиннилэр, ол иһигэр ыччаты психологическай өйөбүл. Федеральнайдааҕы таһымҥа бу хайысхаҕа сөптөөх уорган быһаарылынна уонна саҥа социальнай структура.
