2025 сылга Саха сирин территориятыгар анал байыаннай дьайыы кыттыылаахтарын 5 529 оҕото сайыҥҥы лааҕырынан хабыллыаҕа. Ол иһигэр 560 оҕо Приморскай кыраай лааҕырдарыгар барыаҕа, 200 оҕо «Энергетик», «Кэскил» уонна «Сосновый бор» судаарыстыбаннай лааҕырдарга сынньаныаҕа. 1 973 оҕо муниципальнай лааҕырдарга кыттыаҕа, төрөппүт талыытынан. Лааҕырдарга сурутуу ыам ыйын 15 күнүттэн 9.00 чаастан «Госуслуги» порталга саҕаланыаҕа эбэтэр тус тэрилтэҕэ тиийэн билсиэххэ сөп.
«Сосновый бор» оҕо киинин салайааччыта Варвара Васильева эппитинэн, оҕону сайыҥҥы лааҕырынан хааччыйыы СВО кыттыылаахтарын өйүүр 11 миэрэттэн биирдэрэ буолар, үөрэх министиэристибэтин дьаһалынан. Былырыын кинилэр тэрилтэлэригэр 3 166 оҕо, ол иһигэр СВО кыттыылааҕын 2 167 оҕото сынньаммыт.
Варвара Васильева эппитинэн, докумуону эрдэ бэлэмнэниллэр. «Төрөппүт сайабылыанньата, пааспара, оҕо төрөөбүтүн туһунан сибидиэтэлистибэтэ эбэтэр пааспара, сокуоннай бэрэстэбиитэл сайабылыанньаны биэрэр буоллаҕына, ону туоһулуур докумуон. Санаторнай-курортнай эмтэниини ыларыгар анаан 070/у формалаах медыспыраапка уонна тус дааннайдары туһанарга сөбүлэҥ. Бары куоппуйалар сайабылыанньаны туттарарга бэриллэллэр уонна «Госуслугаҕа» угуллубут буолуохтаахтар», — диэтэ кини.
This post was published on 13.05.2025 10:56 10:56