Тохсунньуттан алтынньыга диэри Саха сиригэр валовай региональнай бородуукта (ВРП) 9,1%-нан улаатта, ааспыт сылы кытта тэҥнээтэххэ.
Экономика министиэристибэтэ былаанныырынан, сыл бүтүөр диэри экономика улаатыыта тутуллуоҕа уонна 108,1% тэҥ буолуоҕа, суруйар СИА регион сүрүн пресс-сулууспатыгар сигэнэн.
Онон Саха сирэ Уһук Илиҥҥэ ВРП үрдээһинигэр инники күөҥҥэ сылдьар.
Эрдэ Ил Дархан Айсен Николаев бэлиэтээбитинэн, 2018 сылга ВРП региоҥҥа 1 триллион солк-тан 1,8 триллион солк тиийдэ. «Саха сирэ – Уһук Илиҥҥэ лидер ВРП туолуутугар. Өрөспүүбүлүкэ сылын аайы кыһыл көмүһү, ньиэби, гааһы, чоҕу хостооһуҥҥа историческай муҥутуур көрдөрүүнү саҥардан иһэр. Оннооҕор быйылгы уустук сылга экономика үрдүүрүн бытаардыбатыбыт», — диэтэ Николаев.
Валовай регионнааҕы бородуукта — бу регион экономикатын таһымын сайдыытын көрдөрөр дааннай.
