Саха сиригэр илиҥҥи экономическай пуорумҥа илии баттаммыт сөбүлэһиилэр көмөлөрүнэн сэттэ саҥа эбийиэк баар буолуоҕа. Бу туһунан sakha.gov.ru саайт иһитиннэрэр.
Тутаах бырайыактар ортолоругар:
«Аан дойдутааҕы сэлии киинэ» норуоттар икки ардыларынааҕы научнай-туристическай парк;
Үөһээ Бүлүү оройуонугар Бүлүү өрүс хаҥас кытылын нэһилиэнньэлээх пууннарын гаастааһын;
Дьокуускай куоракка RussWB (RWB) транспортнай-логистическай киинин тутуу;
Дьокуускайга OZON транспортнай-логистическай киини тутуу;
Алдан промышленнай кластерын сайыннарыы;
«Алдан» хайа хайыһарын курортун тэрийии;
«Күчүс – Уус-Куйга» IV категориялаах сылы эргиччи суол тутуута.
Саха сирин баһылыга Айсен Николаев ВЭФ-2025 өрөспүүбүлүкэ Уһук Илин социальнай-экономическай сайдыытыгар биир лидер буолар статуһун бигэргэппитин уонна саҥа сөбүлэһиилэри түһэрсэргэ таһаарыылаах былаһаакка буолбутун бэлиэтээтэ. Форум түмүгүнэн регион уопсайа 106 миллиард солкуобайтан тахса суумалаах 27 сөбүлэһиигэ илии баттаата, оттон инвестиционнай бартыбыал 641 миллиард солкуобайга тэҥнэстэ.
“Бу улахан бырайыактары олоххо киллэриигэ уонна дьон олоҕун хаачыстыбатын тупсарыыга инники үлэҕэ дьоһуннаах бааза», — диэн Айсен Николаев тоһоҕолоон бэлиэтээтэ.
This post was published on 10.09.2025 18:01 18:01