Нерюнгри оройуонугар 25 м үөһэттэн вахта оптуобуһа суулунна. Саахалга 14 киһи өллө, 7 киһи эчэйдэ.
ИДьМ Саха сиринээҕи салаатын пресс-сулууспата иһитиннэрбитинэн, «Восточная Денисовская» шахтаттан үлэһиттэри тиэйэн испит оптуобус «ГОК Денисовский» АУо технологическай айан суолугар суулунна. Быһылаан туһунан информация 03:20 чааска киирдэ.
«Барыллаан дааннайынан, «Нефаз 4208-34″ мааркалаах техника суолтан туораата, салгыы 25 м үөһэттэн суулунна. Суол саахалыгар 14 киһи өллө, ол иһигэр суоппар, сэттэ киһи балыыһаҕа киирдэ», — суруллар иһитиннэриигэ.
Нерюнгри борокуратуурата «Колмар» вахта техниката кыттыылаах быһылаанынан бэрэбиэркэни саҕалаата.
This post was published on 21.07.2025 08:24 08:24