2026 сылга Хаҥалас уонна Өлүөхүмэ оройуоннарыгар «Инфраструктура для жизни» национальнай бырайыагынан «Умнас» региональнай трасса өрөмүөнэ салҕанар.
Өлүөхүмэ оройуонугар суол үлэтэ 958 км — 972,8 км учаастакка түһүмэҕинэн ыытыллан, быйыл 7 км туттарыллыаҕа. «ДРСУ Сэттэ» ХЭО бэдэрээттэһэр тэрилтэтэ хантараакка эбээһинэһи бэйэтигэр ылла.
Хаҥалас улууһугар 62,8-тэн 65,51-с км учаастакка хантараагы «РИК Автодор» АК бэдэрээттэһэр тэрилтэтэ толорорго эбээһинэстээх. Асфальт-бетон сабыылаах объект уһуна 2,71 км.
Манна даҕатан эттэххэ, 2027 сылга 20-с км-28-с км түөрт балаһаҕа тиийэ кэҥэтиилээх трассаны саҥардыыны түмүктүүр былааннаахпыт, ону тэҥэ 37,6-с — 42-с км учаастагы хапытаалынай өрөмүөн оҥоһуллар. Онон Дьокуускай уонна Покровскай куораттар икки ардыларыгар асфальт суол (74 км) «Куттала суох хаачыстыбалаах суоллар» уонна «Олох инфраструктурата» национальнай бырайыактар чэрчитинэн толору нормативнай турукка киллэриллиэхтээх.
Уопсайынан, 2020 сылтан национальнай бырайыактары олоххо киллэрии кэмигэр «Умнас» региональнай суолга үс муоста туорааһынын нормативка киллэрэн, 8 км саҥардыллан, 6,4 км капитальнай өрөмүөннэнэн, 285,7 км автотрасса өрөмүөннэммит.
This post was published on 02.02.2026 11:05 11:05